Dy palestinezë u plagosën dhe 37 u arrestuan të enjten në bastisjet ushtarake izraelite në Bregun Perëndimor të pushtuar.
Sipas burimeve lokale, forcat izraelite bastisën qytetin verior Tubas në Bregun Perëndimor, duke shkaktuar përleshje me banorët palestinezë.
Burimet spitalore thanë se dy palestinezë u plagosën nga municionet që përdorën izraelitët gjatë bastisjes.
Sipas agjencisë palestineze të lajmeve WAFA, forcat izraelite arrestuan 28 palestinezë në Betlehem, katër në Arraba në jug të Jeninit, tre në Nablus dhe dy në Tubas.
Tensionet kanë qenë të larta në gjithë Bregun Perëndimor që kur Izraeli nisi ofensivën vdekjeprurëse ushtarake në Rripin e Gazës pas një sulmi ndërkufitar nga Hamasi më 7 tetor.
Që nga 7 tetori 2023, kur Izraeli filloi sulmet në Gaza, ka pasur rritje të ndalimeve, bastisjeve dhe sulmeve kundër palestinezëve në Bregun Perëndimor të pushtuar dhe Kudsin Lindor.
Sipas Ministrisë palestineze të Shëndetësisë, që nga 7 tetori të paktën 380 palestinezë janë vrarë dhe 4.200 të plagosur në Bregun Perëndimor nga forcat izraelite, sipas Ministrisë palestineze të Shëndetësisë.
