Presidenti i Republikës së Türkiyes, Recep Tayyip Erdoğan, ka folur për shtyrjen e ndeshjes mes Galatasaray-t dhe Fenerbahçes, duke thënë se incidenti i fundit nuk mund të lejohet të nxirret jashtë kontekstit dhe të përdoret si material për shfaqje dhe provokim.
Erdoğan foli në programin e ndarjes së çmimeve “Necip Fazıl” që u mbajt në Qendrën Kulturore Ataturk në Istanbul dhe me atë rast iu referua incidentit, më konkretisht shtyrjes së ndeshjes së Superkupës ndërmjet Fenerbahçes dhe Galatasarayt, e cila ishte menduar të luhej në Riadi, kryeqyteti i Arabisë Saudite.
"Ne duam që sporti turk, veçanërisht futbolli, të jetë në plan të parë për arritje, jo për diskutime. Për çfarëdo arsye, abuzimi me sportin në zënkat e përditshme politike është i gabuar dhe nuk ka asnjë përfitim për sportin tona”, tha Erdoğan.
Ai nënvizoi se pret që të gjitha klubet të përqafojnë vërtetë frymën e lojës së ndershme, duke përfaqësuar paqen, solidaritetin dhe bashkëpunimin në sport.
“Ne nuk kemi dhe nuk do të hezitojmë të ndërmarrim asnjë hap të nevojshëm”, theksoi Erdoğan, duke shtuar: “Nuk mund të lejojmë që incidenti i djeshëm të dalë jashtë kontekstit dhe të përdoret si material për shfaqje dhe provokim.
Kryesia e Federatës së Futbollit të Türkiyes dhe klubet Fenerbahçe dhe Galatasaray njoftuan zyrtarisht se ndeshja e Superkupës së Türkiyes, e cila duhej të luhej në Riad të Arabisë Saudite, u shty për shkak të problemeve organizative.
