Presidenti turk Recep Tayyip Erdoğan sot priti ministrin e jashtëm rus Sergej Llavrov në Pallatin Presidencial në kryeqytetin Ankara të premten.
Ministri i Jashtëm rus Sergej Llavrov nisi të enjten një vizitë dyditore në Türkiye, thuhet në një deklaratë zyrtare turke.
Më herët ministri i Jashtëm turk Mevlüt Çavuşoğlu dhe Llavrov diskutuan për çështje dypalëshe dhe rajonale, tha Ministria e Jashtme turke.
Ministrat mbajtën gjithashtu një konferencë të përbashkët për shtyp.
Pritej të diskutoheshin çështje të tilla si lufta e vazhdueshme Rusi-Ukrainë, marrëveshja e drithit në Detin e Zi dhe bashkëpunimi në energji.
Türkiye, e vlerësuar ndërkombëtarisht për rolin e saj ndërmjetësues midis Ukrainës dhe Rusisë, i ka kërkuar vazhdimisht Kievit dhe Moskës që t'i japin fund luftës njëvjeçare nëpërmjet negociatave.
