Presidenti i Türkiye-s, Recep Tayyip Erdoğan zhvilloi bisedë telefonike me presidentin e Rusisë, Vladimir Putin.
Në një deklaratë nga Drejtoria e Komunikimeve të Presidencës turke thuhet se në bisedë krahas marrëdhënieve Türkiye-Rusi u diskutuan edhe çështjet rajonale, kryesisht eksporti i drithërave dhe zhvillimet në centralin bërthamor Zaporizhzhia.
Erdoğan ka përcjellë ngushëllimet për vdekjen e presidentit të fundit të ish-Bashkimit Sovjetik, Mikhail Gorbachev dhe ka thënë se si Türkiye ashtu si në marrëveshjen e drithit mund të luajnë rol lehtësues edhe në çështjen e centralit bërthamor Zaporizhzhia.
Presidenti Erdoğan dhe presidenti rus Putin përsëritën vendosmërinë e tyre për përparimin në mënyrën e planifikuar për centralin bërthamor Akkuyu.
Dy liderët ranë dakord që të gjitha këto çështje, bashkë me çështjet e tjera në axhendën e tyre t'i diskutojnë në detaje në takimin e tyre në Semerkant ku do të takohen me rastin e Samitit të Organizatës së Bashkëpunimit të Shangait më 15 dhe 16 shtator.
3 Sht 2022
AA
Lajme të ngjashme
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
