Të paktën 11 palestinezë u vranë në një sulm izraelit në një shkollë të lidhur me Agjencinë e Kombeve të Bashkuara për Ndihmën dhe Punët për Refugjatët Palestinez (UNRWA) në qytetin Khan Younis në Rripin jugor të Gazës.
Sipas lajmeve nga agjencia palestineze e lajmeve WAFA, ushtria izraelite ka kryer një sulm ajror mbi një shkollë të UNRWA-s në Khan Younis, ku kishin gjetur strehim palestinezët e zhvendosur.
Në sulmin mbi shkollën afër spitalit Nasser janë vrarë 11 palestinezë, ndërsa shumë të tjerë janë plagosur.
Forcat izraelite, që nga 7 tetori i vitit të kaluar, kanë vrarë rreth 45.000 njerëz në Rripin e Gazës, kryesisht gra dhe fëmijë.
Gjykata Ndërkombëtare Penale ka lëshuar muajin e kaluar urdhra arresti për kryeministrin izraelit Benjamin Netanyahu dhe ish-ministrin e mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me akuzën për gjenocid në Gjykatën Ndërkombëtare të Drejtësisë.
