Grupet palestineze në Rripin e Gazës dje kanë goditur 21 automjete të ushtrisë izraelite. Brigadat Kassam, krahu i armatosur i Hamasit dhe Brigadat Al-Quds, krahu ushtarak i Lëvizjes Xhihadi Islamik, bënë një deklaratë lidhur me çështjen.
Sipas deklaratës, grupet palestineze u përfshinë në luftime të ashpra me ushtrinë izraelite në Rafah në jug të Rripit të Gazës, në pjesën lindore të kampit të refugjatëve Jabalia në veri të Rripit të Gazës dhe në lagjen Al-Zeitoun në qytetin e Gazës.
Në luftime u shënjestruan 21 automjete, përfshirë 14 tanke, 4 buldozerë dhe 3 automjete për transportimin e personelit të ushtrisë izraelite.
Thuhet se disa nga forcat izraelite janë vrarë dhe disa të tjerë janë plagosur, pasi një kurth i ngritur në hyrjen e një tuneli në Rafah shpërtheu gjatë hyrjes së forcave izraelite.
Po ashtu, edhe nga shpërthimi i një kurthi të vendosur në një shtëpi në Rafah ka pasur të vdekur dhe të plagosur nga forcat speciale izraelite.
