Hamasi ka mbrojtur idenë se vizita që presidenti amerikan, Joe Biden, do të kryejë në Lindjen e Mesme do t'i shërbejë Izraelit me koston ndaj kauzës palestineze.
Zëdhënësi i Hamas-it, Hazem Qassem, në një deklaratë për AA, tha se kontaktet disa ditore që Biden do të zhvillojë në Izrael, Palestinë dhe Arabinë Saudite "do të thellojnë ndarjet rajonale me qëllim mbrojtjen e projektit sionist".
Duke mbrojtur idenë se qëllimi kryesor i të gjitha vizitave të presidentëve amerikanë në rajon deri më tani është t'i shërbejnë interesave të Izraelit, Qaseem deklaroi "Vizita e presidentit amerikan Biden nuk është gjë tjetër veçse shërbim ndaj interesave izraelite në rajon në kurriz të çështjes palestineze".
Qaseem u bëri thirrje grupeve të rezistencës kundër politikave të Izraelit dhe SHBA-së që të bashkojnë radhët.
"Krijimi i aleancave ushtarake në të cilat do të përfshihet Izraeli gjatë vizitës së Biden dhe zgjerimi i normalizimit izraelito-arab janë një rrezik strategjik si për kauzën palestineze ashtu edhe për interesat kombëtare të rajonit të Lindjes së Mesme", ka deklaruar Qaseem.
Presidenti amerikan Biden më 13-16 korrik do të zhvillojë vizitë në Lindjen e Mesme që përfshin Izraelin, Bregun Perëndimor dhe Arabinë Saudite.
13 Kor 2022
Hamas: Vizita e Bideni-it, kundër Palestinës, në shërbim të Izraelit
Gjitha vizitat e deritanishme në Lindje të Mesme, nga presidentët e SHBA-së, i kanë shërbyer interesave të Izralei, me kosto ndaj kauzës palestineze, thonë drejtuesit e Hamas-it
AA
Lajme të ngjashme
Artikujt në këtë kategori
GOP-i kërcënon se do të përdorë Gardën Kombëtare ndaj protestave studentore
Protestat propalestineze vazhdojnë të trondisin universitetet amerikane, duke e detyruar Shtëpinë e Bardhë të përsërisë qëndrimin e Bidenit për lirinë e fjalës, por gjithashtu duke nxitur sugjerime se trupat e Gardës Kombëtare mund të futen brenda.
Çfarë tjetër do të donit të dinit?
Popullore
