Anëtari i Byrosë politike të Hamasit, Izzat Al-Risheq, deklaroi se përdorimi i pengjeve palestineze si mburojë njerëzore nga ushtria izraelite gjatë operacioneve të saj në Rripin e Gazës është "krim lufte" dhe bëri thirrje që shteti Izraelit të dalë para gjyqit.
"Përdorimi i pengjeve (të burgosurve) palestinezë si mburojë njerëzore nga ushtria pushtuese naziste gjatë operacioneve të saj në Rripin e Gazës është krim i plotë lufte", tha Al-Risheq në një deklaratë me shkrim.
Anëtari u shpreh se kjo është shkelje e të gjitha ligjeve të luftës dhe e të drejtave të të burgosurve.
Sipas tij, kjo do të thotë injorim i të gjitha konventave, ligjeve dhe marrëveshjeve ndërkombëtare, duke shtuar se listës që përfshin të gjitha llojet e shkeljeve, si urinë, poshtërimin dhe ngacmimin të cilave u nënshtrohen të burgosurit dhe pengjet palestineze, i është shtuar edhe krimi i mburojës njerëzore.
Pasi tërhoqi vëmendjen se këto shkelje përfshijnë "neglizhencë mjekësore të qëllimshme, privim nga ushqimi dhe ilaçet, thyerja e gjymtyrëve, vrasjet e ngadalta dhe ekzekutimet në terren", Al-Risheq i bëri thirrje Gjykatës Ndërkombëtare të Drejtësisë dhe Gjykatës Ndërkombëtare Penale që "në dosjen e krimeve të luftës në të cilën gjykohen liderët pushtues, të shtojnë edhe krimin e mburojës njerëzore".
Ushtarët izraelitë më 22 qershor gjatë një bastisjeje në një shtëpi në rajonin Al-Jabiriyyat të Jeninit plagosën 3 të rinj me armë, ku njërin prej tyre e lidhën në pjesën e përparme të një xhipi ushtarak dhe e përdorën atë si mburojë njerëzore si dhe penguan ekipet e ndihmës së parë që të mbërrinin te palestinezi i plagosur.
