Grupi Houthi me mbështetje iraniane në Jemen njoftoi se kanë shënjestruar me një raketë Ministrinë e Mbrojtjes të Izraelit.
Në një deklaratë me shkrim, zëdhënësi ushtarak i grupit Houthi, Yahya Saree, pretendoi se kanë goditur Ministrinë e Mbrojtjes të Izraelit me një raketë supersonike që ata e emërtojnë "Palestine 2".
Duke pretenduar se sistemet izraelite të mbrojtjes ajrore dështuan dhe se raketa supersonike arriti me sukses objektivin, Saree theksoi se ky ishte sulmi i tretë ndaj Izraelit në 12 orët e fundit.
Në anën tjetër, në një postim të bërë nga llogaria X e ushtrisë izraelite, thuhet se në shumë pjesë të vendit janë dëgjuar sirena për shkak të raketës balistike të lëshuar nga Jemeni.
Në postim thuhet se raketa e lëshuar nga Jemeni është shkatërruar nga sistemet e mbrojtjes ajrore dhe se nuk ka pasur humbje jete.
Ushtria izraelite dje njoftoi se avioni pa pilot i nisur nga Jemeni drejt jugut të vendit u shkatërrua.
Houthi shpeshherë kryen sulme me raketa dhe drone kundrejt Izraelit.
