Qytetarët e Irakut po përballen aktualisht me një krizë të thellë politike për shkak të propozimit për emërim të Mohammed al-Sudani si kryeministër i ri i Irakut.
Të pakënaqur nga ky emër një numër i madh i protestuesve kanë tejkaluar pengesa të shumta, kështu duke depërtuar në Zonën e Gjelbër të ruajtur shumë në Bagdad dhe hynë në ndërtesën e Kuvendit të vendit.
Kryeministri aktual i Irakut, Mustafa al-Kadhimi u bëri thirrje protestuesve që "të tërhiqen menjëherë nga Zona e Gjelbër".
Korniza e Koordinimit, një koalicion i partive shiite afër Iranit, emëroi Mohammed al-Sudani dy ditë më parë si kryeministër të ri të Irakut. Emërimi i Al-Sudanit kundërshtohet nga udhëheqësi shiit irakian Muqtada al-Sadr, partia e të cilit fitoi zgjedhjet e përgjithshme të vitit të kaluar në Irak.
Parlamenti irakian duhet të mbajë një seancë për disa ditë për të zgjedhur një president të ri mes 25 kandidatëve. Kjo lëvizje është e nevojshme për të emëruar zyrtarisht kryeministrin e ri të vendit.
Pritet që emërimi i Al-Sudanit të miratohet nga parlamenti, sepse blloku i Al-Sadr u tërhoq nga bankat parlamentare në qershor.
28 Kor 2022
Irakianët nuk pranojnë kryeministrin e ri, bastisin Kuvendin
Protestuesit depërtuan në Zonën e Gjelbër në Irak
TRT Balkan / agjencitë
Lajme të ngjashme
Artikujt në këtë kategori
Çfarë tjetër do të donit të dinit?
Popullore