Pas 10 vitesh në Irak për herë të parë mbahen zgjedhjet lokale.
Kutitë e votimit u vendosën për zgjedhjet lokale në kryeqytetin Bagdad, qytetet jugore, Diyala në lindje dhe Salahaddin, Kirkuk dhe Mosul në veri.
Forcat e sigurisë hodhën votat e tyre në kuadër të "votimit special" në Irak 2 ditë më parë. Në Irak, i cili ka qeveri federale, këto zgjedhje nuk përfshijnë qytete në Qeverinë Rajonale Kurde të Irakut (KRG).
Gjithsej 5.904 kandidatë nga parti dhe aleanca të ndryshme konkurrojnë për 275 poste në zgjedhje, në të cilat rreth 16 milionë qytetarë kanë të drejtë vote. 70 nga 275 poste janë të rezervuara për kuotën e grave.
Këshillet provinciale në Irak kanë autoritetin legjislativ dhe mbikëqyrës në çdo provincë dhe të drejtën për të miratuar legjislacionin lokal që nuk bie ndesh me kushtetutën. Votimi do të përfundojë në orën 18:00 sipas kohës lokale.
Lideri fetar dhe politik shiit me bazën më të madhe shiite në Irak, Muqtada al-Sadr, bojkotoi këto zgjedhje.
Zgjedhjet e këshillit provincial duhet të mbahen çdo 4 vjet. Ndërkaq, pas vitit 2013, sulmet e organizatës terroriste DEASh, siguria dhe paqëndrueshmëria politike nuk lejuan mbajtjen e zgjedhjeve.
