Ndërkohë që sulmet "në shkallë të gjerë" të nisura nga ushtria izraelite dje në Bregun Perëndimor të pushtuar vazhdojnë në ditën e dytë, deri më tani janë arrestuar 45 palestinezë.
Në një deklaratë të përbashkët nga Shoqata e të Burgosurve Palestinezë dhe Delegacioni i të Burgosurve dhe të Liruarve të lidhur me Organizatën për Çlirimin e Palestinës, thuhet se ushtarët izraelitë vazhduan bastisjet e tyre në Bregun Perëndimor të pushtuar.
Ushtria izraelite arrestoi të paktën 45 palestinezë të tjerë, përfshirë ish të burgosur, në qytete të ndryshme të Bregut Perëndimor që nga dita e djeshme. Sulmet "në shkallë të gjerë" të nisura nga ushtria izraelite në veri të Bregut Perëndimor dje vazhduan edhe në ditën e dytë.
Numri i palestinezëve të arrestuar në Bregun Perëndimor të pushtuar dhe Kudsin Lindor që nga 7 tetori 2023 ka kaluar 10.300.
Në sulmet "në shkallë të gjerë" të nisura nga ushtria izraelite dje në Bregun Perëndimor të pushtuar 17 palestinezë janë vrarë deri më tani. Shumë të tjerë janë plagosur, ndërsa disa nga të plagosurit janë në gjendje kritike për jetën.
