Ushtria izraelite ka arrestuar 60 palestinezë të tjerë në Bregun Perëndimor të pushtuar, thonë grupet për çështjet e të burgosurve palestinezë. Komisioni i Çështjeve të të Burgosurve dhe Shoqata Palestineze e të Burgosurve përmes një komunikate të përbashkët njoftuan se arrestimet u kryen në disa zona në territorin e pushtuar, përfshirë në Hebron, Betlehem, Tulkarm, Nablus dhe Kuds.
Sipas grupeve palestineze, të paktën 6.090 palestinezë janë arrestuar nga ushtria izraelite në Bregun Perëndimor të pushtuar që nga 7 tetori.
Tensionet janë rritur në gjithë Bregun Perëndimor që kur Izraeli filloi një ofensivë vdekjeprurëse ushtarake kundër Rripit të Gazës pas një sulmi ndërkufitar nga Hamasi më 7 tetor.
Sipas shifrave të Ministrisë palestineze të Shëndetësisë, të paktën 360 palestinezë janë vrarë në Bregun Perëndimor që atëherë dhe rreth 4 mijë të tjerë janë plagosur.
