Izraeli do të lirojë 90 të burgosur palestinezë të shtunën, si pjesë e marrëveshjes së armëpushimit të Gazës, tha të premten Zyra e Informacionit për të Burgosurit Palestinezë.
Nga të burgosurit, nëntë janë në vuajtje të dënimit të përjetshëm, ndërsa 81 të tjerë janë të dënuar afatgjatë.
Më herët gjatë ditës, grupi palestinez Hamas emëroi tri pengje izraelitë që do të lirohen të shtunën.
Sipas fazës së parë të marrëveshjes, e cila do të zgjasë 42 ditë, 33 pengje izraelitë do të lirohen në këmbim të rreth 1.700 - 2.000 të burgosurve palestinezë.
Hamasi liroi tri pengje izraelitë dhe pesë tajlandezë në Gaza të enjten, ndërsa Izraeli liroi 110 të burgosur palestinezë. Ky ishte shkëmbimi i tretë i këtij lloji që kur armëpushimi midis Izraelit dhe Hamasit u mbajt më 19 janar.
