Autoritetet izraelite ia kanë ndaluar për gjashtë muaj hyrjen në xhaminë Al-Aksa, imamit të kësaj xhamie në Kuds, Shejh Ikrima Sabri. Në fletëndalimin e lëshuar kundër imamit 85-vjeçar, thuhet se ai bëri lutjen e xhenazes në mungesë për liderin e vrarë të Hamasit, Ismail Hanijeh, njoftoi avokati i tij.
“Ikrima Sabriu i është ndaluar të hyjë në xhami për gjashtë muaj”, tha në një njoftim Khaled Zabarka.
Policia izraelite ende nuk e ka konfirmuar këtë informacion.
Policia izraelite e arrestoi imamin dhe e mbajti, pas së cilës iu ndalua hyrja në xhaminë Al-Aksa për një javë, me mundësi vazhdimi të ndalimit deri në gjashtë muaj.
Ai ishte arrestuar nga forcat izraelite më parë dhe iu ndalua hyrja në Xhaminë Al-Aksa në Kudsin (Jerusalemin) Lindor të pushtuar për muaj të tërë.
Sabri është një kritik i ashpër i pushtimit izraelit prej dekadash të territoreve palestineze. Ai ka shërbyer më parë si Myfti i Jeruzalemit dhe Territoreve Palestineze nga viti 1994 deri në vitin 2006.
