Një tjetër gazetar palestinez u vra në sulmet e ushtrisë izraelite në Rripin e Gazës.
Zyra për Media e Qeverisë në Gaza në një deklaratë me shkrim raporton për gazetarët e vrarë në Rripin e Gazës.
Gazetari Vefa Ali al-Adeini, i cili punonte për disa media në gjuhën angleze, humbi jetën në sulmin e ushtrisë izraelite në Gaza.
Raportohet se numri i gazetarëve të vrarë në Rripin e Gazës që nga 7 tetori 2023 është rritur në 174.
Sulmet e ushtrisë izraelite ndaj gazetarëve në Rripin e Gazës u dënua nga Zyra e medias së Gazas dhe u theksua se qeveria izraelite ishte përgjegjëse për vrasjen e gazetarëve.
Në deklaratë i bëhet thirrje komunitetit ndërkombëtar dhe organizatave ndërkombëtare të lidhura me mediat që të "imponojnë sanksione parandaluese ndaj Izraelit për të ndaluar vrasjen e gazetarëve palestinezë dhe të ndërmarrin veprime për ta gjykuar atë në gjykatat ndërkombëtare për krimet që ka kryer".
Qeveria në Gaza thotë se Izraeli vrau qëllimisht gazetarë në Rripin e Gazës "për të heshtur zërat e palestinezëve, për të fshehur faktet dhe për të parandaluar që lajmet dhe informacionet të arrijnë në publikun rajonal dhe ndërkombëtar".
