Ushtria izraelite vrau 105 gazetarë palestinezë në Rripin e Gazës brenda 83 ditëve.
Zyra për Media e Qeverisë në Gaza publikoi një komunikatë në lidhje me bombardimin e ushtrisë izraelite ndaj shtëpisë ku jetonte familja e gazetarëve Mohammed Hayreddin dhe Ahmed Mahir Hayreddin në Beit Lahiya, në veri të Rripit të Gazës.
Në komunikatë thuhet se me vrasjen e dy gazetarëve të tjerë nga ushtria izraelite, numri i gazetarëve që humbën jetën në Rripin e Gazës që nga 7 tetori u rrit në 105.
Në një njoftim të mëparshme nga Zyra e Mediave thuhej se Izraeli "vrau qëllimisht gazetarët në Gaza për të heshtur narrativën palestineze, për të fshehur faktet dhe për të parandaluar që lajmet dhe informacionet të arrijnë në publikun rajonal dhe ndërkombëtar".
Të paktën 30 palestinezë humbën jetën si pasojë e sulmit të forcave izraelite në një vendbanim civil në qytetin Beit Lahiya në veri të Gazës.
Gazetarët Muhammed Hayreddin dhe Ahmed Mahir Hayreddin humbën jetën gjithashtu në sulmin në të cilin u bombarduan shtëpitë e familjeve "Hayreddin, el-Kurd dhe el-Kadi".
