Të paktën 23 sirianë janë vrarë dhe 8 të tjerë janë plagosur në sulmet ajrore të ushtrisë izraelite në rajonin Baalbek el-Hirmil në lindje të Libanit.
Në lajmin e agjencisë zyrtare libaneze NNA raportohet se përpjekjet e kërkim-shpëtimit përfunduan pas sulmeve ajrore të kryera nga avionët luftarakë izraelitë gjatë natës në një ndërtesë në vendbanimin Yunin në rajonin Baalbek Hirmil.
Ndërtesa e goditur në vendbanimin e Yunin ishte marrë me qira nga punëtorët sirianë pranë një karburanti dhe u tha se trupat e pajetë të 23 sirianëve u gjetën në rrënojat e ndërtesës.
Njoftohet se nga rrënojat mbetën të plagosur 8 persona nga ku 4 nga të plagosurit ishin libanezë.
Izraeli vrau 654 njerëz në Liban
Ushtria izraelite ka kryer qindra sulme ajrore në qytetet jugore të Libanit si dhe në rajonet Bekaa dhe Baalbek, që nga e hëna, 23 shtator.
Sipas të dhënave nga Ministria libaneze e Shëndetësisë, të paktën 654 njerëz janë vrarë në sulmet ajrore në rritje të Izraelit kundër vendit që nga e hëna.
Ministri libanez i Punëve të Jashtme dhe Emigracionit, Abdullah Buhabib deklaroi se numri i personave të zhvendosur brenda vendit për shkak të sulmeve izraelite po i afrohet shifrës prej 500 mijë.
Ndërkohë, vazhdon vala e migrimit nga rajonet jugore të vendit drejt kryeqytetit Bejrut dhe rajoneve veriore.
