Izraeli ka kryer 4 sulme ajrore në rajonin Dahiye në jug të Bejrutit mëngjesin e sotëm.
Mediat libaneze raportojnë se sulmet ajrore kishin në shënjestër Gubeyrin në rajonin Dahiye, i njohur si bastioni i Hezbollahut.
Pas kërcënimit për sulm nga zëdhënësi i ushtrisë izraelite, Avichay Adraee, një re pluhuri dhe tymi mbuloi rajonin pas sulmeve të dhunshme.
Zëdhënësi izraelit paralajmëroi në X duke publikuar hartat që tregojnë dy pika në Gubeyri në rajonin Dahiye, duke kërcënuar se do të sulmonte në rajon.
"Ju jeni pranë objekteve që i përkasin dhe përdoren për të mirën e Hezbollahut, të cilat do të jenë në shënjestër nga Izraeli në të ardhmen e afërt. Për sigurinë tuaj dhe të familjes suaj, duhet të evakuoni menjëherë ndërtesat e treguara në hartë dhe ndërtesat përreth në Gubeyri në rajonin e Dahiyes dhe të largoheni të paktën 500 metra larg", shkroi zëdhënësi i ushtrisë izraelite.
