Ministria e Punëve të Jashtme e Libanit deklaroi se sulmet e vazhdueshme të Izraelit ndaj ushtarëve dhe civilëve në vend si dhe ndaj Forcës së Përkohshme të Paqes së OKB-së në Liban (UNIFIL) janë krime lufte dhe shkelje e qartë e ligjit ndërkombëtar humanitar.
Në deklaratën me shkrim të ministrisë dënohet sulmi ndaj një automjeti në qytetin Sayda, ku humbën jetën tre persona dhe u plagosën shtatë të tjerë, mes tyre tre libanezë dhe katër ushtarë të UNIFIL-së.
Thuhet se sulmet e vazhdueshme të Izraelit ndaj forcave të UNIFIL-së, ushtarëve dhe civilëve libanezë janë krime lufte dhe shkelje e qartë e ligjit ndërkombëtar humanitar.
Dje, Izraeli shënjestroi një automjet pranë pikës së kontrollit ushtarak Awwali në hyrjen veriore të Sidonit.
"Armiku izraelit shënjestroi një automjet derisa kalonte në postbllokun Awwali në Saida dhe vrau tre civilë brenda, tre ushtarë në pikën e kontrollit ndërsa katër anëtarë të njësisë malajziane të UNIFIL-së u plagosën", thuhet në deklaratën e ushtrisë libaneze.
Ushtria izraelite më parë ka kryer shumë herë sulme kundër ushtarëve të UNIFIL-së.
