Policia e Belgjikës përdori topa uji për të kontrolluar një përleshje të iniciuar nga simpatizantët e grupit terrorist PKK-së, të cilët po ngrinin slogane provokuese ndërsa kalonin nëpër një zonë të qytetarëve me origjinë turke në rrethin Heusden-Zolder të provincës Limburg pranë Brukselit.
Një grup simpatizantësh të PKK-së po ktheheshin nga festimet e Ditë së Nevruzit, dielën në mëngjes me makinat e tyre, duke mbajtur flamuj që simbolizonin organizatën terroriste PKK. Gjatë kalimit nëpër rrugët e populluara kryesisht nga qytetarë me origjinë turke, ata bërtitën parulla provokuese.
Turqit iu përgjigjën grupit, duke rezultuar në një sherr. Ekipet e policisë arritën në vendngjarje, ku disa automjeteve u është vënë flaka, duke i detyruar të përdorin topat e ujit për të kontrolluar situatën.
Nënkryetari i bashkisë Yasin Gul i Heusden-Zolder tha për Anadolu se simpatizantët e PKK-së sulmuan një qytetar me origjinë turke ndërsa brohorisnin slogane provokuese.
"Ne jetojmë këtu si turq të Evropës Perëndimore për 60 vjet. Nuk kemi pasur kurrë më parë incident të tillë në komunën tonë," tha Gul.
Ai tha se gati një e katërta e popullsisë së komunës janë me origjinë turke. Autoritetet lokale kishin marrë tashmë masa paraprake në përgjigje të raporteve se simpatizantët e PKK-së nga qytetet dhe vendet fqinje po merrnin pjesë në ngjarjen e Nevruzit, shtoi ai.
Në fushatën e saj terroriste më shumë se 35-vjeçare kundër Türkiyes, PKK-ja – e listuar si një organizatë terroriste nga Türkiye, ShBA-ja dhe BE-ja – ka qenë përgjegjëse për vdekjen e më shumë se 40.000 njerëzve, duke përfshirë gra, fëmijë dhe foshnja. YPG/PYD-ja është dega siriane e PKK-së.
