Përveç Mbretërisë së Bashkuar, Mbreti Charles III u shpall zyrtarisht edhe mbret i shtetit të Australisë dhe Zelandës së Re, njoftuan mediat lokale të dielën.
Sipas transmetuesit publik të Australisë ABC, shpallja në vend u bë nga Guvernatori i Përgjithshëm David Hurley.
“Për shkak të vdekjes së Mbretëreshës sonë të bekuar dhe të lavdishme Elizabeth II, kurora i përket vetëm dhe me të drejtë Princit Charles Philip Arthur George”, deklaroi Hurley.
Deklarata u nënshkrua nga Hurley dhe u rinënshkrua nga kryeministri Anthony Albanese.
Albanese shtoi se shpallja e parë e një monarku të ri në jetën e tij, dhe në jetën e shumicës së australianëve, "është një ngjarje historike".
Ndërkaq, ceremoni e veçantë shpalljeje për Mbretin Charles III u mbajt në kryeqytetin e Zelandës së Re, Wellington, raportoi kanali televiziv 1 News.
Zyrtarë të lartë, përfshirë kryeministren Jacinda Ardern dhe guvernatoren e përgjithshme Cindy Kiro, u mblodhën në parlament për të shënuar shpalljen e mbretit të ri.
"Sot ne përkujtojmë vdekjen e Mbretëreshës Elizabeth II dhe njohim djalin e saj Mbretin Charles III si sovranin tonë", tha Ardern.
Kiro, nga ana e saj, tha se "shumë zelandezë do të kenë kujtime të këndshme nga vizitat e Mbretëreshës Elizabeth në Zelandën e Re gjatë mbretërimit të saj, për ngrohtësinë dhe hijeshinë e pranisë së saj", duke shtuar se "sot, mbi këto themele, ne dëshmojmë për një moment tjetër me rëndësi të thellë historike për Aotearoa Zelandën e Re".
Monarkja më sundmigjatë e Britanisë, Mbretëresha Elizabeth II, vdiq në moshën 96-vjeçare më 8 shtator.
Ajo u pasua nga djali i saj Charles.
12 Sht 2022
Mbreti Charles III shpallet zyrtarisht mbret në Australi dhe Zelandë të Re
Monarkja më sundmigjatë e Britanisë, Mbretëresha Elizabeth II, vdiq në moshën 96-vjeçare më 8 shtator.
AA
Lajme të ngjashme
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
