Ministri izraelit i Diasporës, Amichai Chikli, bëri thirrje për rifillimin e sulmeve ndaj Rripit të Gazës, duke pretenduar se faza e dytë e armëpushimit midis Tel Avivit dhe Hamasit është "joreale".
Në një deklaratë që bëri në një radio lokale, Chikli bëri vlerësime në lidhje me armëpushimin e arritur në Gaza.
Duke thënë se është kundër kalimit në fazën e dytë të armëpushimit, Chikli mbrojti idenë se kjo "është e rrezikshme" për Izraelin.
Pas mbrojti idenë se faza e dytë "është e rrezikshme për Izraelin", Chikli pretendon se edhe administrata e SHBA-së ka "qasjen se faza e dytë e armëpushimit nuk është realiste në kushtet aktuale".
Chikli vuri në dukje se Hamasi "po qëndron në këmbë" dhe bëri thirrje për rifillimin e sulmeve ndaj Gazës dhe pushtimin e rajonit.
Më 15 janar, Katari një nga vendet ndërmjetësuese, njoftoi se Izraeli dhe Hamasi arritën një marrëveshje për një armëpushim dhe shkëmbim të pengjeve në Gaza.
Marrëveshja hyri në fuqi të dielën më 19 janar. Në 42 ditët e para të marrëveshjes së armëpushimit, që përbëhet nga tre faza, do të lirohen 33 pengje izraelite dhe mbi 1.900 të burgosur palestinezë.
Hamasi njoftoi se kanë filluar negociatat për fazën e dytë të marrëveshjes së armëpushimit në Rripin e Gazës.
