Organizata Kombëtare e Inteligjencës së Türkiyes (MIT) udhëhoqi të premten një shkëmbim të suksesshëm të të burgosurve që përfshin shtatë vende në një nga operacionet më të gjera të shkëmbimit në vitet e fundit.
Një total prej 26 personash u shkëmbyen dhe u transportuan në Ankara me shtatë avionë - një nga Gjermania, Polonia, Sllovenia, Norvegjia, Rusia dhe dy nga ShBA-të, thonë burimet e sigurisë. Bjelorusia gjithashtu ishte e përfshirë në shkëmbim.
Dhjetë pengje, mes tyre dy fëmijë, u transferuan në Rusi, ndërsa 13 u dërguan në Gjermani dhe tre në ShBA.
Burimet thanë se operacioni, i cili dallohet si më e gjëra midis ShBA-së, Rusisë dhe Gjermanisë në historinë e fundit, u lehtësua nga MIT-i, i cili krijoi kanale kyçe për dialog.
MIT-i mblodhi përfaqësuesit e këtyre shtatë vendeve në Ankara në korrik, thanë burimet, duke shtuar se gjatë këtyre bisedimeve agjencia luajti një rol qendror në ndërmjetësimin e negociatave që çuan në shkëmbim.
Burimet thanë se ndër figurat kryesore të shkëmbyera ishin gazetari i Wall Street Journal, Evan Gershkovich dhe ish-marinsi amerikan Paul Whelan, të cilët mbaheshin në burgjet ruse. Shtetasi gjerman dhe mercenari Rico Krieger, i cili u burgos në Bjellorusi, ishte gjithashtu pjesë e shkëmbimit. Gjithashtu u shkëmbye edhe figura e opozitës ruse Ilija Yasin dhe oficeri i Shërbimit Federal të Sigurisë Ruse Vadim Krasikov, i cili po vuante dënimin në Gjermani.
MIT-i, siç thonë burimet menaxhoi të gjithë procesin e shkëmbimit, nga negociatat fillestare deri tek shkëmbimi përfundimtar i të burgosurve në Ankara. Agjencia ishte gjithashtu përgjegjëse për masat e sigurisë, planifikimin logjistik dhe koordinimin midis vendeve të përfshira.
Vetë shkëmbimi u zhvillua nën mbikëqyrjen e rreptë të stafit të MIT-it, i cili siguroi që çdo individ të transferohej në mënyrë të sigurt nga avioni në vende të sigurta.
Pas përfundimit të ekzaminimeve mjekësore dhe formaliteteve të tjera të nevojshme, të burgosurit iu dorëzuan përfaqësuesve të kombeve të tyre dhe fluturimet e tyre pasuese të kthimit u miratuan gjithashtu nga MIT-i.
Burimet shtuan se nisma nënvizon rolin në rritje të Türkiyes si ndërmjetëse në skenën ndërkombëtare nën udhëheqjen e presidentit Recep Tayyip Erdoğan.
Mes therash thuhet se duke përdorur aftësitë e tij të inteligjencës, MIT-i e ka pozicionuar veten si një lojtar kyç në zgjidhjen e konflikteve ndërkombëtare, duke çimentuar më tej statusin e Ankarasë si një kontribues jetik për paqen dhe stabilitetin global.
