Grupi terrorist PKK/YPG i mbështetur nga ShBA-ja dhe degët e tij vazhdojnë të rekrutojnë ushtarë fëmijë për luftë në Sirinë veriore dhe Irakun verior, tha në një raport Ministria e Mbrojtjes e Qeverisë së Përkohshme siriane.
Shumë fëmijë arabë dhe turkmenë në Sirinë lindore janë rrëmbyer dhe detyruar për t'iu bashkuar grupit terrorist PKK/YPG, i cili mbështetet nga ShBA-ja, si dhe degët e saj, si SDF-ja dhe Rinia Revolucionare, thuhet në raport.
Organizata terroriste dhe grupet e lidhura me të rekrutuan një numër të madh fëmijësh sirianë dhe më pas i transportuan në Irakun verior për t'u bashkuar me radhët e PKK-së.
Duke cituar të dhënat e Kombeve të Bashkuara, ministria tha se organizata terroriste PKK/YPG e mbështetur nga ShBA-ja dhe filialet e saj kanë më shumë se 700 fëmijë ushtarë.
Numri i anëtarëve të mitur ishte 1.696 në 2022.
Qeveria e Përkohshme Siriane ndalon fëmijët ushtarë
Në maj 2020, Ministria e Mbrojtjes e Qeverisë së Përkohshme Siriane, e miratuar nga Kabineti, nxori një urdhër që ndalonte regjistrimin e të rinjve në Ushtrinë Kombëtare Siriane (SNA).
Dekreti ndaloi njësitë dhe drejtuesit e SNA-së që të angazhonin fëmijët në çdo rol ushtarak ose civil, një praktikë e ndaluar nga ligji ndërkombëtar. Shkeljet e këtyre ndalimeve do të rezultojnë në dënime penale, tha ministria.
"Një ushtri e trajnuar në të drejtën ndërkombëtare humanitare" SNA-ja po ndjek në mënyrë aktive masat e reformës, me brigada dhe divizione të shumta që nënshkruajnë marrëveshje me projekte të së drejtës humanitare ndërkombëtare.
Pjesëtarët e forcave të armatosura marrin trajnime të vazhdueshme dhe rigoroze. Midis gushtit 2021 dhe janarit 2023, SNA-ja organizoi 85 kurse të së drejtës humanitare, me trajnime të ofruara nga Geneva Call. Gjatë kësaj kohe nga ky trajnim kanë përfituar 1.480 personel, tha ministria.
Ministria tha se brenda të njëjtit afat kohor, SNA-ja u bë partnere me organizata si Afaq, Ward Al Balad Organisation, Benevolent Seed Humanitarian, Human Rights Guards dhe ORSAM në përpjekjet që lidhen me të drejtën humanitare dhe ndërkombëtare.
Të paktën 15.000 personel të Ushtrisë Kombëtare Siriane në rangje të ndryshme kanë kaluar trajnime si rezultat i këtyre bashkëpunimeve.
