Faza e dytë e fushatës së vaksinimit ndaj poliomielitit filloi në Rripin e Gazës të shkatërruar nga lufta të hënën, tha Ministria e Shëndetësisë.
Ministria tha se faza e re synon fëmijët nën 10 vjeç në Gazën qendrore.
Kjo fazë është planifikuar të zgjasë tri ditë, me mundësi vazhdimi edhe për një ditë shtesë, shtoi ministria.
Faza e parë e fushatës përfundoi më 12 shtator dhe përfshiu mbi 560.000 fëmijë palestinezë. “Është rënë dakord për pauza humanitare specifike për zonën.
Është e rëndësishme që këto pauza të respektohen nga të gjitha palët. Pa to, është e pamundur të vaksinohen fëmijët”, tha drejtoresha ekzekutive e UNICEF-it Catherine Russell në X të enjten. Russell përmendi gjithashtu se UNICEF-i do t'u siguronte fëmijëve suplemente të vitaminës A për të forcuar sistemin e tyre imunitar.
"Fëmijët në Gaza jetojnë në kushte jashtëzakonisht të rënda higjienike dhe sanitare," tha ajo.
Të mërkurën, agjencia e OKB-së për refugjatët palestinezë (UNRWA) tha se rreth 400.000 njerëz janë bllokuar në Gazën veriore në mes të një ofensive izraelite në zonë, duke rrezikuar zbatimin e fazës së dytë të fushatës së vaksinimit ndaj poliomielitit.
