Nëntë palestinezë u vranë dhe të tjerë u plagosën nga sulmi ajror izraelit në shkollën Mustafa Hafez në lagjen al-Rimal, në qytetin perëndimor të Gazës, e cila strehon qindra njerëz të zhvendosur. Izraeli ka vënë në shënjestër sistematikisht objektet civile, duke përfshirë shkollat, spitalet dhe vendet e adhurimit, në mes të ofensivës së tij të vazhdueshme në Rripin e Gazës, pavarësisht një rezolute të Këshillit të Sigurimit të OKB-së që kërkon një armëpushim të menjëhershëm. Sipas rregullave të luftës, shënjestrimi i objekteve të tilla civile mund të përbëjë krim lufte. Duke shpërfillur rezolutën e Këshillit të Sigurimit të OKB-së që kërkon një armëpushim të menjëhershëm, Izraeli ka vazhduar ofensivën e tij brutale në Gaza që nga sulmi i 7 tetorit të kaluar nga grupi palestinez Hamas. Nga sulmet izraelite, që atëherë ka vrarë mbi 40.170 palestinezë, kryesisht gra dhe fëmijë, si dhe janë plagosur më shumë se 92.740, sipas autoriteteve lokale shëndetësore. Më shumë se 10 muaj pas sulmeve izraelite, pjesë të mëdha të Gazës janë në gërmadha mes një bllokade gjymtuese të ushqimit, ujit të pastër dhe ilaçeve. Izraeli akuzohet për gjenocid në Gjykatën Ndërkombëtare të Drejtësisë, e cila e urdhëroi atë të ndalojë menjëherë operacionin e tij ushtarak në qytetin jugor të Rafahut, ku më shumë se 1 milion palestinezë kishin kërkuar strehim nga lufta përpara se të pushtohej më 6 maj.
20 Gus 2024
Nëntë palestinezë u vranë në sulmin ajror izraelit ndaj shkollave
Sipas rregullave të luftës, shënjestrimi i objekteve të tilla civile mund të përbëjë krim lufte.
AA
Lajme të ngjashme
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.