Zyrtari i lartë i OKB-së për refugjatët u bëri thirrje të hënën qeverive që të braktisin kontrollet kufizuese kufitare që synojnë ndalimin e migracionit, duke i përshkruar masa të tilla si "të paefektshme" dhe në kundërshtim me detyrimet ndërkombëtare.
“Në kohën kur refugjatët dhe emigrantët arrijnë tek ata, qeveritë janë nën presion politik për të marrë vendime reaktive. Në mënyrë refleksive, ata fokusohen në kontrolle,” tha Filippo Grandi në takimin vjetor të UNHCR-së në Gjenevë.
“Për ndalimin e njerëzve që të lëvizin. Mbi skemat për të transferuar, për ti kontrolluar apo edhe pezulluar azilin që shkelin detyrimet e tyre ligjore ndërkombëtare. Dhe sinqerisht, këto janë të paefektshme.”
"Mund të pyesni pastaj: çfarë mund të bëhet? Si fillim, mos u fokusoni vetëm në kufijtë tuaj," tha Grandi.
Grandi u kërkoi qeverive të zhvendosin fokusin e tyre në shkaqet themelore që nxisin migracionin, duke mbrojtur strategjitë proaktive për të trajtuar migracionin në burimin e tij. Ai theksoi rëndësinë e masave të tilla si programet e qëndrimit ligjor dhe rregullimit, si dhe zgjerimin e rrugëve ligjore për migrantët dhe refugjatët.
