Zv/përfaqësuesi i posaçëm i sekretarit të përgjithshëm të OKB-së për Afganistanin, Ramiz Alakbarov, theksoi se në stinën e dimrit temperatura në disa rajone të Afganistanit ulet deri në minus 25 gradë.
"Kemi nevojë për 768 milionë dollarë për të mbështetur punimet e përgatitjes për dimër dhe para se të përfundojë viti kemi nevojë për 614 milionë dollarë. Përgjatë vitit kemi luftuar për këto fonde", tha Alakbarov.
Ai po ashtu theksoi se 6 milionë njerëz ndodhen përballë pasigurisë ushqimore në nivelin e një situate urgjente dhe shtoi se kjo shifër përfaqëson një nivel të lartë në çështjen e pasigurisë ushqimore.
Sipas OKB-së, dy të tretat apo mbi 28 milionë persona e popullatës së Afganistanit do të jenë në nevojë për ndihmë humanitare në vitin 2023.
Me ndërprerjen e ndihmës financiare ndërkombëtare pasi talebanët erdhën në pushtet në Afganistan më 15 gusht të vitit 2021, ekonomia e vendit mori goditje të rëndë, ndërkohë gratë dhe vajzat u privuan nga shumë të drejta, përfshirë arsimin. Në këtë proces mijëra gra humbën vendet e punës në institucionet shtetërore dhe në sektorin privat.
1 Dhj 2022
OKB: Në Afganistan 6 milionë njerëz përballen me pasiguri ushqimore
Sipas OKB-së, dy të tretat apo mbi 28 milionë persona e popullatës së Afganistanit do të jenë në nevojë për ndihmë humanitare në vitin 2023.
AA
Lajme të ngjashme
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
