Kombet e Bashkuara (OKB) njoftuan se mesatarisht një fëmijë vritet dhe dy plagosen çdo dhjetë minuta në sulmet brutale izraelite në Rripin e Gazës që vazhdojnë që nga 7 tetori.
Agjencia e Kombeve të Bashkuara për Ndihmën e Refugjatëve Palestinezë në Lindjen e Mesme (UNRWA) bëri një deklaratë për numrin e fëmijëve të vrarë në Rripin e Gazës.
"Gjatë luftës mesatarisht çdo dhjetë minuta vritet një fëmijë dhe dy plagosen. Mbrojtja e civilëve në kohë konflikti nuk është thjesht një dëshirë a ideal, por përgjegjësi dhe angazhim i gjithë njerëzimit. Civilët duhet të mbrohen kudo që janë," thanë UNRWA-ja.
Ushtria izraelite nisi sulme ajrore dhe tokësore në Rripin e Gazës pas një sulmi ndërkufitar nga Hamasi më 7 tetor.
Të paktën 10.022 palestinezë, duke përfshirë 4.104 fëmijë dhe 2.641 gra, u vranë në bombardimet izraelite në Rripin e Gazës. Sipas të dhënave zyrtare, numri i të vdekurve në Izrael është rreth 1.600.
Përveç numrit të madh të viktimave dhe shpërnguljeve masive, furnizimet bazë po mbarojnë për 2,3 milionë banorët e Rripit të Gazës për shkak të rrethimit izraelit.
