Në një deklaratë me shkrim, Ministria e Jashtme e Omanit ka reaguar ndaj tentativës së ushtrisë izraelite për ta pushtuar territorin sirian, duke përfituar nga zhvillimet e fundit.
Omani dhe Algjeria kanë reaguar për veprimet e fundit të ushtrisë së izraelit në territoret e Sirisë. Në një deklaratë me shkrim, Ministria e Jashtme e Omanit ka reaguar ndaj tentativës së ushtrisë izraelite për ta pushtuar territorin sirian, duke përfituar nga zhvillimet e fundit.
"Omani dënon shkeljen e Marrëveshjes për Ndarjen e Forcave nga forcat izraelite duke pushtuar pjesë të reja të territorit sirian në zonën tampon në kufi ndërsa vazhdojnë bombardimet e tyre ushtarake në kryeqytetin Damask dhe rajone të tjera", thuhet në deklaratë.
Më tej, theksohet se këto shkelje i shtuan një të re krimeve të kryera nga Izraeli në rajon dhe se shkeljet konfirmuan edhe një herë natyrën agresive të Izraelit dhe politikat e tij të vazhdueshme që synojnë minimin e legjitimitetit ndërkombëtar.
Ngashëm edhe ministria e Jashtme e Algjerisë, në një deklaratë me shkrim, Ministria e Jashtme e Algjerisë ka reaguar ashpër ndaj përpjekjeve të ushtrisë izraelite për t'i pushtuar tokat siriane, duke përfituar nga zhvillimet e fundit.
"Algjeria dënon fuqishëm shkeljen e sovranitetit të Sirisë nga ana e ushtrisë izraelite dhe sulmin në territorin e saj duke pushtuar zonën tampon në Golanin e pushtuar duke njoftuar se ka anuluar Marrëveshjen e Ndarjes së Forcave", thuhet në deklaratë.
Në deklaratën e ministrisë theksohet se ushtria izraelite e bëri këtë përpjekje, "duke përfituar nga situata aktuale në Siri dhe paqëndrueshmëria në rajon, për të imponuar një fakt të ri të kryer që është në përputhje me politikën ekspansioniste dhe kolonizuese të ndjekur nga qeveria izraelite".
Gjithashtu, u dënuan sulmet e intensifikuara së fundmi të ushtrisë izraelite ndaj objekteve dhe institucioneve siriane.
Më tej, thuhet se Algjeria është e përkushtuar ndaj qëndrimit të saj të vendosur në mbështetje të unitetit të Sirisë, integritetit territorial dhe të drejtës së saj legjitime për ta rimarrë Golanin e pushtuar në përputhje me ligjet dhe marrëveshjet përkatëse ndërkombëtare.
