Parlamenti turk, i njohur si Kuvendi i Madh Kombëtar, do të diskutojë të martën protokollin e anëtarësimit të Suedisë në NATO, tha në një deklaratë të premten Komiteti i Punëve të Jashtme të tij.
Gjithashtu, do të diskutohen rreth 10 projektligje që kanë të bëjnë me miratimin e marrëveshjeve ndërkombëtare.
Presidenti turk Recep Tayyip Erdoğan nënshkroi protokollin e pranimit të Suedisë në NATO dhe e dorëzoi atë në parlament në tetor.
Finlanda dhe Suedia aplikuan për anëtarësim në NATO menjëherë pasi Rusia nisi një luftë në Ukrainë në shkurt 2022.
Türkiye miratoi anëtarësimin e Finlandës në NATO, por tha se ishte duke pritur që Suedia t'i përmbahej një memorandumi trepalësh të nënshkruar në qershor 2022 për të adresuar shqetësimet e sigurisë së Ankarasë.
