Dhjetëra mijëra palestinezë kanë falur namazin e xhumasë në xhaminë Al-Aksa në qytetin e vjetër të Kudsit Lindor të pushtuar, pavarësisht kufizimeve të policisë izraelite.
Dhjetëra mijëra palestinezë, banorë të Kudsit Lindor të pushtuar u dyndën në Mesxhidi Al-Aksa nga orët e mëngjesit për të falur namazin e xhumasë.
Para namazit të xhumasë, policia izraelite në portat e xhamisë Al-Aksa kontrolloi identitetin e palestinezëve dhe nuk i lejoi disa persona të hyjnë.
Midis palestinezëve dhe policisë izraelite që kontrollonte kartat e identitetit në Portën Al-Esbat të Harem-i Sherifit ndodhi një përleshje.
Policia izraelite ndërhyri kundër palestinezëve dhe pasi e rrahën e ndaluan një palestinez.
Në hutbe u bënë lutje për Gazën
Shejh Muhammed Selim, i cili mbajti predikimin e xhumasë (Hutben) në Mesxhidi Al-Aksa tha se lufta e Izraelit kundër Rripit të Gazës është fillimi i luftërave më të mëdha dhe theksoi durimin dhe këmbënguljen për palestinezët.
Duke thënë se masakrat kundër popullit palestinez në Rripin e Gazës ndodhin para syve të botës, Shejh Selimi tha se shtypja nuk do të jetë e përjetshme dhe lufta e popullit palestinez do të jetë fitimtare.
Në fund, ai u lut për popullin palestinez, veçanërisht për Rripin e Gazës dhe Mesxhid Al-Aksa-n.
Në mungesë u bënë lutjet e varrimit për palestinezët që u vranë në Gaza
Pas namazit të xhumasë, u fal namazi i xhenazes në mungesë për palestinezët që u vranë në Rripin e Gazës.
Në deklaratën e Administratës së Fondacioneve Islame të Kudsit thuhet se 40 mijë palestinezë e kanë falur namazin e xhumasë në Haremi Sherif.
