Pesë persona u vranë në sulmin e sotëm ajror izraelit në qytetin Maifadoun në jug të Libanit.
Ministria e Shëndetësisë e Libanit njoftoi se një operacion kërkim-shpëtimi është duke u zhvilluar pas sulmit në një shtëpi në Maifadoun.
“Në të njëjtën kohë, të paktën dy persona u plagosën gjithashtu nga bombardimet e artilerisë izraelite në qytetet kufitare Khiyam dhe Wazzani”, tha ministria.
Tensionet janë përshkallëzuar midis Hezbollahut dhe Izraelit që kur Tel Avivi vrau komandantin e lartë ushtarak Fouad Shukr në një sulm ajror në periferitë jugore të Bejrutit më 30 korrik.
Shefi politik i Hamasit, Ismail Hanijeh, u vra gjithashtu në kryeqytetin iranian, Teheran. Irani dhe Hamasi kanë akuzuar Izraelin për kryerjen e vrasjes së Haniyeh dhe Tel Avivi ende nuk e ka konfirmuar apo mohuar përgjegjësinë e tij.
Përshkallëzimi vjen nën hijen e sulmeve të vazhdueshme izraelite në Rripin e Gazës që kanë vrarë më shumë se 39.600 njerëz që nga 7 tetori.
