Presidenti i Türkiyes, Recep Tayyip Erdoğan, ka dënuar sulmin në një treg krishtlindjesh në qytetin gjerman Magdeburg që vrau të paktën pesë persona dhe plagosi rreth 200 të tjerë.
“Dënoj fuqishëm sulmin e neveritshëm në Magdeburg, Gjermani, mbrëmjen e kaluar”, shkroi presidenti Erdoğan në rrjetin social X.
Presidenti turk përcolli ngushëllimet e tij për familjet e atyre që humbën jetën në sulm dhe për "popullin dhe qeverinë miqësore të Gjermanisë", duke u uruar shërim të shpejtë të lënduarve.
Një makinë është përplasur në një treg të frekuentuar Krishtlindjesh në qytetin lindor të Gjermanisë, Magdeburg, duke vrarë të paktën pesë persona dhe duke plagosur 200 në atë që autoritetet thonë se ishte një sulm i dyshuar.
Videot në mediat sociale treguan një automjet drejt turmës, duke shkaktuar kaos në tubimin festiv.
Autori i sulmit vdekjeprurës u arrestua pas sulmit.
Policia mbajti një prani të madhe të sigurisë në tregun e Krishtlindjeve dhe rrethoi zonën për ta siguruar vendin e krimit. Autoritetet lokale kërkuan nga banorët të shmangin zonën, ndërkohë që hetimet janë në vazhdim.
