Mediat izraelite për 7 tetorin, Tel Avivi kërkon përgjegjësi
Policia izraelite u kërkoi të dielën mediave kombëtare të “demonstrojnë përgjegjësi” pasi u raportua se një helikopter luftarak izraelit hapi zjarr ndaj pjesëmarrësve të festivalit muzikor Nova gjatë sulmit të 7 tetorit nga grupi palestinez Hamas.
Sipas gazetës Haaretz, një hetim policor dhe marrja në pyetje e anëtarëve të Hamasit zbuloi se helikopteri u angazhua me anëtarët e grupit, por goditi edhe disa nga argëtuesit.
Ai tha se, sipas vlerësimit, personat e armatosur nuk kishin njohuri paraprake për festivalin, i cili mbahej afër Kibbutz Re’im, afër kufirit me Gazën.
Gazeta Yedioth Ahronoth botoi një raport të ngjashëm, duke thënë se forcat izraelite “e kishin të vështirë të identifikonin militantët e Hamasit” dhe pilotët e helikopterëve “përdorën artileri” kundër civilëve në festival.
“Terroristët e Hamasit u udhëzuan të përziheshin ngadalë me turmën dhe të mos lëviznin në asnjë rrethanë”, tha gazeta.
“Në këtë mënyrë, ata u përpoqën të mashtronin forcat ajrore duke besuar se ata që ishin poshtë ishin izraelitë. Ky mashtrim funksionoi për një kohë derisa helikopterët Apache duhej të çliroheshin nga të gjitha kufizimet. Pilotët e kishin të vështirë të dallonin se kush ishte terrorist dhe kush izraelit.
Vendosja e kufizimeve për storjet
Policia tani ka hedhur poshtë çdo referencë për aktivitetet ushtarake izraelite në hetimin e saj, duke thënë se nuk ka asnjë tregues se ndonjë aktivitet ajror në rajon ka shkaktuar dëme për civilët.
Ata thanë se shqyrtimi i aktiviteteve ushtarake nuk ishte pjesë e ndonjë hetimi dhe i kërkuan medias që “të demonstrojnë përgjegjësi në raportimet e tyre gjatë kësaj periudhe dhe të mbështeten vetëm në burime zyrtare.”
Më 26 tetor, Censori Ushtarak izraelit, i cili është nën Drejtorinë e Inteligjencës Ushtarake, i dërgoi një letër shtypit duke vendosur kufizime të ndryshme për historitë nga Gaza, ku ushtria ka nisur sulme ajrore dhe një inkursion tokësor, sipas burimeve.
Ai tha se të gjitha lajmet dhe pamjet që lidhen me rrjedhën e konfliktit dhe aktivitetet e ushtrisë do t’i dërgohen njësisë përpara publikimit.
Më 11 nëntor, Channel 12 i Izraelit transmetoi pamjet ku një reporter izraelit përballë Qendrës Mjekësore Barzilai në Ashkelon pranë Gazës veriore tha se nuk mund të jepnin informacion për gjendjen e ushtarëve të sjellë atje për shkak të masave të censurës.
