Një avion luftarak rus Su-34 u rrëzua të martën gjatë një fluturimi stërvitor në rajonin rus të Osetisë së Veriut në Kaukazin e Veriut, duke vrarë dy pilotë, raporton Ministria e Mbrojtjes.
"Në Republikën e Osetisë së Veriut-Alania, një avion Su-34 i Forcave Ajrore Ruse u rrëzua në një zonë malore, ndërsa kryente një fluturim të planifikuar stërvitor. Aeroplani u rrëzua në një zonë të shkretë. Ekuipazhi u vra", thuhet në deklaratën e dhënë nga ministria.
Ministria identifikoi një mosfunksionim teknik si shkak paraprak të rrëzimit, duke theksuar se një komision i posaçëm po punon në vendngjarje për të zbardhur të gjitha rrethanat e ngjarjes.
Më tej, media shtetërore ruse, duke cituar një burim në shërbimet e urgjencës, njoftoi se në bord ishin dy pilotë.
