Një zonë me pyje tropikale sa sipërfaqja e Zvicrës u zhduk vitin e kaluar, thotë studimi i Institutit të Burimeve Botërore me bazë në Uashington i publikuar së fundmi.
Kjo do të thotë se një premtim politik për t’i dhënë fund shpyllëzimit të bërë në COP26 nga liderët botërorë është shumë jashtë rrugës së mbarë.
Rreth 11 fusha futbolli pyjore humbën çdo minutë në vitin 2022, me Brazilin që dominoi këtë shkatërrim.
Por, një reduktim i madh i humbjes së pyjeve në Indonezi tregon se ndryshimi i këtij trendi është i arritshëm.
Një nga momentet kyç në takimin e klimës COP26 në vitin 2021, pa mbi 100 liderë botërorë që nënshkruan Deklaratën e Glasgout për pyjet, ku u angazhuan të punojnë kolektivisht për të “ndaluar dhe rikthyer humbjen e pyjeve dhe degradimin e tokës deri në vitin 2030”.
Të dhënat sugjerojnë se shpyllëzimi u rrit në vitin 2022 krahasuar me vitin 2021, gjë që e vë botën jashtë rrugës për të përmbushur objektivin e vitit 2030 për t’i dhënë fund shpyllëzimit.
Pyjet tropikale në Brazil, Republikën Demokratike të Kongos dhe Indonezi thithin sasi të mëdha të gazrave serrë.
Këto pyje janë gjithashtu të rëndësishme për ruajtjen e biodiversitetit dhe jetesën e miliona njerëzve.
