Sulm kamikaz në Kabul, humbin jetën 19 persona

Në një sulm kamikaz në perëndimit të qytetit të Kabulit në Afganistan kanë humbur jetën 19 persona. Autoritet njoftuan se sulmi është kryer në një qendër arsimore në kryeqytet.

Zëdhënësi i departamentit të policisë së administratës talebane në Kabul, Khalid Zadran, në një deklaratë për shtyp tha se sulmi me bombë është kryer në qendrën arsimore Kaaj.

Sipas Zadran-it, në këtë sulm janë plagosur edhe 27 persona të tjerë.

Po ashtu ai theksoi e sulmi në qendrën arsimore u krye në kohën kur po kryhej një provim testues.

Dëshmitarët kanë pretenduar se sulmi ka qenë akt kamikaz.

Ndërkohë sulmi ende nuk është marrë përsipër nga askush. Ndryshe, javën e kaluar, një makinë bombë shpërtheu jashtë një xhamie në Kabuli, ndërsa besimtarët po largoheshin nga xhamia pas namazit të së premtes.

Të paktën shtatë persona humbën jetën dhe 41 të tjerë u plagosën.

Mulawai Mujeebur Rehman Ansari, një udhëheqës fetar i shquar anti-talebane, ishte në mesin e 18 personave të vrarë më 2 shtator kur një kamikaz hodhi veten në erë gjatë lutjeve të së premtes në qytetin perëndimor të Heratit.

Në perëndim të Kabulit jetojnë kryesisht Shiitët Hazara. Sulmet e ngjashme të ndërmarra më parë në të njëjtën zonë janë marrë përsipër nga organizata terroriste DEASH.