Ministri i Punëve të Brendshme të Republikës së Türkiyes, Ali Yerlikaya, bëri të ditur se në operacionin “Clamp-24”, që policia turke po zhvillon në 21 provinca në kuadër të hetimeve për organizatën terroriste FETO, janë ndaluar 55 të dyshuar.
“Ne nuk do të lejojmë terroristët e FETO-s të hapin sytë. Ne vazhdojmë me vendosmëri operacionet tona kundër organizatave terroriste dhe bashkëpunëtorëve të tyre”, tha Yerlikaya në postimin e tij në rrjetet sociale.
Operacioni u krye në bazë të hetimeve dhe bashkëpunimit të strukturave policore në 21 qytete të mëdha të Türkiyes, konkretisht Adana, Ankara, Balikesir, Bursa, Corum, Edirne, Elazig, Gaziantep, Isparta, Stamboll, Izmir, Karabuk, Kutahya, Ordu, Manisa, Mersin, Rize, Samsun, Siirt, Tekirdag dhe Yalova.
Yerlikaya tha se në aksionet e kryera në katër ditët e fundit janë arrestuar 55 të dyshuar.
“U konstatua se të dyshuarit ishin aktivë në të ashtuquajturën strukturë ushtarako-sekrete dhe strukturën e sigurisë brenda strukturës terroriste të FETO-s, se ata komunikonin përmes telefonave dhe ishin në kontakt me personat përgjegjës në FETO”, tha Yerlikaya.
Organizata terroriste Fetullahci (FETO) është përgjegjëse për tentativën e përgjakshme për grusht shteti në Türkiye natën e 15 korrikut të vitit 2016 dhe është një organizatë terroriste e udhëhequr nga Fetullah Gulen, i cili jeton në Shtetet e Bashkuara të Amerikës, dhe ekstradimin e të cilit Türkiye e ka bërë, kërkohet zyrtarisht nga ShBA.
Për vite me radhë, anëtarët e asaj organizate terroriste avancuan në shërbim duke manipuluar provimet, duke u infiltruar kështu në institucionet e shtetit. Më pas, fillimisht në dhjetor 2013, mbështetësit e FETO-s në gjyqësorin e Türkiyes u përpoqën të ndjekin penalisht një numër zyrtarësh të rangut të lartë me një gjyq të montuar për korrupsion të dyshuar.
Disa vite më vonë, pasoi një tentativë e përgjakshme për grusht shteti nga terroristët e FETO-s, pra një përpjekje për grusht shteti të kryer nga oficerët që FETO kishte depërtuar në ushtrinë turke.
Hetimi për organizatën terroriste FETO tregoi se është një rrjet global që përbën rrezik jo vetëm për Türkiyen, por edhe për çdo vend tjetër ku ajo është aktive. Këtë e kanë theksuar disa herë zyrtarët turq. Gjatë tentativës për grusht shteti në Türkiye, 253 njerëz vdiqën dhe më shumë se 2,730 njerëz u plagosën.
