Türkiye të premten dënoi fuqishëm" një bastisje të kryer nga ministri i Sigurisë Kombëtare i ekstremit të djathtë të Izraelit Itamar Ben-Gvir në xhaminë Al-Aksa.
“Ne dënojmë fuqishëm sulmin ndaj Xhamisë Al-Aksa nga një ministër izraelit nën mbrojtjen e forcave të sigurisë”, tha Ministria e Jashtme në një deklaratë.
Ministria tha se gjenocidi i vazhdueshëm në Gaza, së bashku me veprimet provokuese të autoriteteve izraelite që synojnë të ndryshojnë status quo-në historike të Xhamisë Al-Aksa, përbëjnë një kërcënim për sigurinë dhe stabilitetin rajonal.
Deklarata gjithashtu i bëri thirrje komunitetit ndërkombëtar të marrë masat e nevojshme kundër veprimeve të zyrtarëve izraelitë që do t'i përshkallëzojnë më tej tensionet në rajon.
Ben-Gvir, i shoqëruar nga policia izraelite, kreu bastisjen në Xhaminë Al-Aksa në Jerusalemin Lindor të pushtuar herët në mëngjesin e së enjtes.
