Forcat turke të sigurisë “neutralizuan” katër terroristë të PKK-së në Irakun verior, tha të premten Ministria e Mbrojtjes Kombëtare.
Terroristët, të zbuluar në rajonin Kandil në Irakun verior, u "neutralizuan" me një sulm ajror, tha ministria në një deklaratë.
Ministria u zotua se operacionet kundër terrorizmit të ushtrisë turke do të vazhdojnë të pandërprera.
"Nuk ka shpëtim për terroristët, askund nuk është i sigurt për ta," thuhet më tej.
Autoritetet turke përdorin termin "neutralizoj" për të nënkuptuar se terroristët në fjalë u dorëzuan, u vranë ose u kapën.
Në fushatën e saj terroriste gati 40-vjeçare kundër Türkiyes, PKK-ja e listuar si një organizatë terroriste nga Türkiye, ShBA-ja dhe BE-ja, ka qenë përgjegjëse për vdekjen e mbi 40.000 njerëzve, duke përfshirë gra, fëmijë dhe foshnja.
Terroristët shpesh fshihen në Irakun verior, pikërisht përtej kufirit turk, për të komplotuar sulme terroriste në Türkiye.
