Forcat e ushtrisë izraelite bastisën një shkollë palestineze në qytetin Hares të Bregut Perëndimor të hënën herët dhe mbajtën studentë dhe mësues brenda, sipas dëshmitarëve.
Bastisja ishte pjesë e një operacioni ushtarak izraelit në qytet që nga e diela, ku dhjetëra njerëz u arrestuan dhe disa shtëpi u kontrolluan.
“Mësimet u ndërprenë në shkollë pas bastisjes izraelite”, tha një dëshmitar.
Ai njoftoi se disa mësues dhe studentë u mbajtën nga ushtarët izraelitë brenda ambienteve, pa dhënë një shifër të saktë.
Tensioni ka qenë i lartë në gjithë Bregun Perëndimor të pushtuar mes një ofensive brutale izraelite në Rripin e Gazës, nga ku të paktën 716 palestinezë janë vrarë që atëherë, rreth 5.750 të tjerë janë plagosur dhe mbi 10.800 janë arrestuar në territorin e pushtuar, sipas shifrave zyrtare palestineze.
