Avionët luftarakë izraelitë kanë kryer sulme ajrore në dy zona në jug të Libanit.
Sipas informacioneve nga korrespondentët e Anadolu Agency, avionët izraelitë kryen sulme ajrore në zonën midis qyteteve Deir Siryan dhe Yahmur al-Shakif në rrethin Nabatiye të Libanit jugor dhe Luginës Zebkin në rrethin Sur.
Burimet zyrtare nuk kanë raportuar ende për viktima apo të plagosur nga sulmet.
Ushtria izraelite nëpërmjet një komunikate pretendon se një sulm është kryer në objektet ushtarake që i përkasin Hezbollahut.
Ato theksuan se aktivitetet në zonat e sulmuara përbëjnë një "shkelje të hapur" të marrëveshjes së armëpushimit midis Izraelit dhe Libanit dhe se sulmet kishin për qëllim parandalimin e përpjekjeve të Hezbollahut për t'u riarmatosur dhe forcuar.
Një armëpushim i brishtë ka qenë në fuqi që nga 27 nëntori, duke i dhënë fund muajve të bombardimeve të ndërsjella midis Izraelit dhe Hezbollahut që u përshkallëzua në një konflikt të plotë shtatorin e kaluar.
Pavarësisht armëpushimit, Izraeli e ka shkelur atë më shumë se 840 herë, duke vrarë dhe plagosur dhjetëra njerëz në Liban, duke përfshirë gra dhe fëmijë.
Sipas marrëveshjes së armëpushimit, Izraeli duhej të përfundonte tërheqjen e tij nga Libani jugor deri më 26 janar, por afati u zgjat deri më 18 shkurt pasi Tel Aviv refuzoi të respektonte marrëveshjen.
