Ushtria izraelite liroi 23 palestinezë, duke përfshirë dy gra, të cilat më parë i kishte ndaluar në Rripin e Gazës.
Sipas burimeve lokale, ushtria izraelite ka liruar disa nga palestinezët që ka mbajtur që nga 27 tetori 2023, kur nisi një sulm tokësor në Rripin e Gazës.
Palestinezët e liruar arritën në Khan Younis përmes pikës kufitare Kerem Abu Salim në Gazën jugore.
Burimet spitalore thanë se 23 palestinezë të liruar u sollën në spitalin Nasser në Khan Younis.
Mjekët thanë se në mesin e të liruarve ishin dy gra dhe se ato ishin në gjendje të rëndë psiqike dhe shëndetësore.
Ushtria izraelite ka arrestuar mijëra palestinezë, duke përfshirë gra, fëmijë dhe punonjës shëndetësorë, që nga 27 tetori 2023, kur nisi pushtimin tokësor të Gazës.
Disa nga palestinezët e arrestuar janë liruar, por ende nuk dihet fati i shumë prej tyre.
Banorët e çliruar të Gazës në përgjithësi janë në gjendje të rëndë shëndetësore pasi janë liruar nga paraburgimi dhe shumica u janë nënshtruar formave të ndryshme të torturës.
