Ushtria izraelite njoftoi se qytetarët mund të largoheshin nga strehimoret pas përfundimit të sulmit me raketa iraniane.
Ushtria izraelite tha në një deklaratë se pas vlerësimit të situatës, "njerëzit në të gjithë vendin u lejuan të largoheshin nga strehimoret dhe zonat e mbrojtura".
Një deklaratë tjetër e ushtrisë tha se shefi i Shtabit të Përgjithshëm të Izraelit, Herzi Halevi, po monitoronte situatën së bashku me komandantët e lartë.
Në videon e shpërndarë nga ushtria, shihet se Halevi dhe komandantët po monitoronin situatën nga një dhomë si strehë.
Garda Revolucionare e Iranit njoftoi më herët se kishte nisur një sulm ndaj Izraelit me dhjetëra raketa balistike.
Pas lëshimit të raketës, sirenat u dëgjuan në të gjithë Izraelin, përfshirë Tel Avivin.
