Zonja e parë e Türkiyes, Emine Erdoğan, ka vizituar pacientët pediatrikë të cilët u transferuan nga Rripi i Gazës në Türkiye përmes Egjiptit.
“Duke parë se fëmijët tanë palestinezë, të cilët po trajtohen në Spitalin e Qytetit të Ankarasë Etlik, janë të sigurt dhe mirë, shpresat tona u gjallëruan të paktën në njëfarë mase”, shkroi Erdoğan në platformën sociale X.
“Me gjithë zemër, kërkoj një armëpushim të përhershëm të menjëhershëm, si dhe ndihmë humanitare për të gjithë fëmijët e pafajshëm palestinezë që luftojnë për të mbijetuar në Gazën e rrethuar”, tha Erdoğan.
Gjithsej 182 pacientë u dërguan në Türkiye pasi kaluan në pikën kufitare Rafah me Egjiptin.
Türkiye shpreh solidaritet të fortë me palestinezët dhe ka deklaruar se është e gatshme të ofrojë mbështetje humanitare.
Sipas autoriteteve shëndetësore të Gazës, të paktën 18.787 palestinezë janë vrarë dhe më shumë se 50.897 të tjerë janë plagosur në sulmet izraelite që atëherë.