Presidenti i sapozgjedhur i ShBA-së, Donald Trump, ka njoftuar mbrëmë se menaxherja e fushatës së tij Susie Wiles do të jetë shefe e stafit në Shtëpinë e Bardhë.
“Susie Wiles sapo më ndihmoi të arrij një nga fitoret më të mëdha politike në historinë amerikane dhe ishte një pjesë integrale e fushatave të mia të suksesshme 2016 dhe 2020”, tha Trump.
Ai tha për Wiles se ajo është "e ashpër, e zgjuar, novatore dhe gëzon respekt në skenën globale".
“Është një nder i madh të kesh Susien si gruan e parë shefe të stafit në historinë e Shteteve të Bashkuara. Nuk ka dyshim se ajo do ta bëjë vendin tonë krenar”, shtoi Trump.
Zgjedhja e shefit të shtabit është emërimi i parë që Trump ka shpallur që nga shpallja e fitores në zgjedhjet presidenciale amerikane të mërkurën herët në mëngjes.
