Popullsia e Italisë po plaket, por gjithashtu ka tendenca në rënie që duken të jenë të pakthyeshme.
Në janar 2023, popullsia italiane ka numëruar rreth 59 milionë banorë.
Kjo shifër parashikohet të bjerë në 58,6 milionë në 2030, 54,8 milionë në 2050 dhe 46,1 milionë në 2080, sipas një raporti të publikuar të agjencisë zyrtare të vendit, ISTAT.
Raporti i grupmoshës 15-64 vjeç ndaj grupmoshës 0-14 vjeç dhe grupmoshës 65 vjeç e lart tregoi ndryshime, nga ku vihet re një rritje të popullsisë së moshuar dhe një ulje të popullsisë së re, thuhet në raport.
Jugu i Italisë parashikohet të përjetojë një proces më të shpejtë plakjeje me një moshë mesatare prej 51,5 vjeç deri në vitin 2050 (50.8 për Italinë).
Megjithatë, rreth një milion familje parashikohet të krijohen në dy dekadat e ardhshme, të parashikuara të jenë më të fragmentuara.
Për më tepër, më pak se një në katër familje parashikohet të jenë çifte me fëmijë deri në vitin 2043 dhe më shumë se një në pesë familje pritet të mos kenë fare fëmijë.
