KFOR-i turk patrullon në lindje të Kosovës    Foto: AA

Ushtarët e Misionit të NATO-s në Kosovë (KFOR) nga radhët e Republikës së Türkiye-s, kanë kryer një patrullë të pavarur në pjesën lindore të Kosovës ditën e djeshme. Patrullimi i Forcave të Armatosura Turke është kryer në këmbë përgjatë zonës së tyre të operacionit në Kosovën lindore me qëllim të ruajtjes së një mjedisi të sigurt dhe garantues për lirinë e lëvizjes për të gjitha komunitetet në Kosovë siç është e mandatuar edhe me Rezolutën 1244 të vitit 1999 të Këshillit të Sigurimit të Kombeve të Bashkuara. “Kryerja e patrullimeve të tilla është kyçe drejt sigurimit të zhvillimit të vazhdueshëm të një Kosove stabile dhe paqësore në terren dhe mundëson dialogun e nevojshëm ndërmjet BE-së, NATO-s dhe partnerëve kyç në rajon”, njofton KFOR-i. Aktualisht, KFOR-i në Kosovë ka rreth 3 mijë trupa, nga 27 shtete, përfshirë vendet anëtare të NATO-s dhe partnerë të tjerë.

AA